नुवाकोटको सूर्यचौरमा एयर डाइनेस्टीको हेलिकप्टर दुर्घटना हुँदा ५ जनाको मृत्यु भएको छ ।
बुधबार दिउँसो १ बजेर ५४ मा काठमाडौंबाट रसुवाको स्याप्रुवेशीतर्फ उडेको एयर डाइनेष्टीको नाइन एन-एजेडी कलसाइन भएको हेलिकप्टर दुर्घटनामा परेको हो।
घटनास्थलमा उद्धारका लागि खटिएका एक प्रहरी अधिकृतका अनुसार मृत्यु हुनेहरुमा ४ पुरुष र १ महिला गरि ५ जना सवार रहेको खुलेको छ ।
हेलिकप्टर क्याप्टेन अरुण मल्लले उडाएका थिए भने हेलिकप्टरमा अन्य चार जना सवार चिनियाँ पर्यटक रहेका थिए ।
दुर्घटनामा परि ज्यान गुमाउने चिनियाँ पर्यटकमा जुदाड टाङ (पुरुष), जी लि (पुरुष), यियाद वु –महिला) र जेमिङ सी (पुरुष) रहेका छन् ।
एयर डाइनेस्टीको हेलिकप्टर उडेको तीन मिनेटमै काठमाडौँ टावरसँग सम्पर्क विच्छेद भएको पाइएको छ
२३ साउन २०८१, बुधबार ०३:५५ मा प्रकाशित
581
