त्रिभुवन विश्वविद्यालयको उपकुलपतिमा प्रा.डा. दीपक अर्याल नियुक्त भएका छन
त्रि वि मा उपकुलपतिका लागि सिफारिस भएकामध्येबाट प्रधानमन्त्री तथा कुलपति केपी शर्मा ओलीले अर्याललाई उपकुलपतिमा नियुक्त गरेका हुन्। शिक्षा, विज्ञान तथा प्रविधिमन्त्री रघुजी पन्तको संयोजकत्वको गठित सिफारिस समितिले यही असार २३ गते प्रधानमन्त्री एवं कुलपति ओलीसमक्ष उपकुलपतिका लागि वर्णानुक्रमअनुसार हालका निमित्त उपकुलपति प्रा. डा. खड्ग केसी, त्रिविको विज्ञान सङ्कायका पूर्वडीन प्रा डा विनिल अर्याल र जल तथा मौसम केन्द्रीय विभागका पूर्वप्रमुख डा दीपक अर्याललाई सिफारिस गरेको थियो।
२०८० फागुन १० गते पुस्पकमल दाहाल प्रचण्ड नेतृत्वको सरकाले उपकुलपतिमा नियुक्त गरेका केशरजंग बराल २०८१ चैत मा स्वास्थ्यको कारण देखाउदै राजीनामा दिएका थिए।स्वास्थ्य समस्याको कारण भनिएपनी चर्को दबाव,राजनीतिक हस्तक्षेप थेग्न नसकेर राजीनामा दिएको भनेर चर्चा भैरहेको छ। उपकुलपति प्रा डा केशरजङ्ग बरालले दिएको राजीनामा गत चैत २८ गते स्वीकृत भएपछि गत चैत ३१ गते विश्वविद्यालयका कुलपतिसमेत रहेका प्रधानमन्त्री ओलीले शिक्षाध्यक्ष केसीलाई पदपूर्ति नभएसम्मका लागि बढीमा तीन महिनाका लागि उपकुलपतिको जिम्मेवारी दिएका थिए।
